Career Advice

UX Designer喺香港有冇得做?

3
min read
Tiffany Wong

由智能手機興起嗰刻開始,就注定每一個企業都要抌錢落去發展手機應用程式。電腦程式、網頁、手機程式唔再只係俾一小撮人用,而係需要普羅大眾,唔
同教育程度、唔同年紀嘅人都要用得到,所以各行各業又紛紛開始着重UX (User Experience)同UI (User Interface),令應用程式或電子硬件美觀、易用。
你諗吓,而家呢個時勢每日都有唔同嘅新apps 推出,去餐廳點餐都要用個 app,其實市場對UI/UX Designer嘅需求非常大。後生仔入行,尤其如果你有平
面設計、電腦、工程或程式背景嘅話,花少少時間進修,入行做UI/UX Designer絕對吃香。


UI同UX有乜分別?


簡單嚟講,UX係指用戶體驗,係整體嚟講成個使用服務嘅過程順唔順暢、每一 步安排嘅先後次序等等,而UI係指用戶介面,即係用戶喺每一步接觸到嘅嘢嘅
設計,例如如果係應用程式嘅話,啲掣擺喺螢幕嘅邊度、乜嘢掣用乜嘢顏色等 等就可以歸類為用戶介面設計。雖然理論上呢兩樣係兩個唔同嘅設計範疇,但
係喺香港,呢兩樣嘢通常都會係同一組人,甚至同一個人負責,職位就叫做UI/ UX Designer,喺分工冇咁清晰嘅細公司或者初創企業,呢兩樣嘢甚至有機會由
Software Engineer 或者Web Programmer包辦。

入行有咩條件?


喺香港,暫時仲未有針對用戶介面及用戶體驗嘅學位課程,基本上現時在職嘅 設計師都係喺唔同嘅學科畢業之後繼續進修或者邊做邊學。UI/UX設計要用到嘅
知識非常廣泛,包括Coding、軟件設計、平面設計、產品設計等等。現時有唔 同網上及面授嘅課程,提供UI/UX嘅基本培訓,例如Google、Green Tomato
Academy同HKDMI等。 除咗知識同證書之外,成為一個出色嘅UI/UX Designer亦有好多其他質素係非 常重要嘅,例如同理心。要成為呢方面嘅設計師,了解用戶嘅需要係非常重要,要明白唔係每一個用家都會同自己一樣咁熟悉電子產品同科技,但你設計出 嚟嘅產品必須要令唔同嘅人都用到,所以一定要有同理心,體諒唔同人會遇到 嘅各種困難。除此之外,同所有玩新科技嘅行業一樣,應變能力非常重要。個 社會不斷咁變緊,今日需要嘅嘢可能過多兩三個禮拜已經過時,所以做得呢行 就一定要預咗學嘅嘢、識嘅嘢要不斷變,再冇可能食死一世老本。

香港嘅UI/UX Designer搵幾錢人工㗎?

香港嘅用戶介面及用戶體驗設計師人工絕對唔算差,平均月薪達$25k,而資深 嘅設計師月薪更可以高達四萬蚊。UI/UX Designer可以話係決定咗公司用乜嘢形式、形象去接觸客人,所以呢個 崗位非常重要!有興趣嘅話,不妨試吓讀啲短期課程,就算最後唔轉行,都可 以了解吓呢個新興行業究竟做緊啲乜東東!

Recommendations for You

How to Make the Most of Membership Clubs
Read
5 Ways Video Can Help Your Employer Brand Steal the Show
Read
The 8 Most Valuable Skills to Have in Your Toolkit for 2022
Read