Career Paths

網紅/KOL一定要識嘅五大科技知識

3
min read
Tiffany Wong

網紅/KOL係新一代最受歡迎嘅職業,基本上每一個品牌都需要有網紅/KOL幫手 宣傳,就連明星、歌手都要經營自己嘅社交媒體,聯繫自己嘅粉絲,又可以賺
額外嘅廣告費。 好多人話做KOL其實係表面風光,成日將自己最好嘅一面擺上網,營造一個自 己生活得好好嘅假象,其實每日剪片、做設計、影相,忙到甩頭甩髻。咁講其 實都真係冇錯嘅,而且有一啲重要嘅科技知識,做KOL一定要識!


1)基本設計


就算你唔係做YouTuber,都要識得基本剪片、執相,同埋要識得運用基本嘅設 計軟件。做KOL,包裝係非常重要。當你對於設計有基本認識,你就可以喺啲
簡單嘅細微細眼位改善你嘅包裝、你嘅品牌。例如你可以整自己嘅IG sticker,又或者要送禮物俾粉絲嘅時候可以整靚啲個包裝等等。其實設計可以好簡單,
唔一定下下要用到Photoshop、Illustrator。網上有唔少免費嘅設計軟件,例如 Canva 就係免費又易用嘅好選擇。


2)社交媒體廣告運作


做得KOL,一定會有機會喺社交媒體賣廣告,所以對社交媒體本身同埋裏面嘅 廣告嘅演算法一定要非常熟悉。要知道點樣用最少嘅金錢達到最大嘅效益,除
咗Facebook官方嘅課程 Facebook Blueprint 之外,好多網站都有提供社交媒體 營銷課程,例如 Skillshare 同Coursera等等。識得運用社交媒體嘅廣告,就算只 係幾十蚊都可能為你賺到數以百計嘅followers。


3)數據分析


賣完廣告,一定要分析返廣告嘅效益。更重要係,你通常都要向客戶匯報返佢 俾錢賣嘅廣告俾咗幾多人睇到。除此之外,你亦都要整理好你自己社交平台嘅
數據去向客戶推銷自己。呢啲數據除咗包括我哋熟悉、眼見嘅粉絲數目、followers、like嘅數目,其實仲包括更多複雜嘅數據,例如engagement、views、action等等,仔細到觀眾平均花幾多秒睇你嘅post。獲取 呢類數據同分析呢一類數據亦都可以喺唔同嘅網上課程學得到。


4)搜尋引擎運作


千祈唔好睇小搜尋引擎(Search Engine)嘅威力,而家好多人一想買新產品,第一樣嘢係會上網睇評論,所以如果你做嘅範疇有包括產品開箱、產品介紹、
用後評價等等,就一定要熟悉搜尋引擎運作喇。喺搜尋引擎入面,所有關鍵字、所有網站都有排名。學識搜尋引擎運作,你就可以知道喺每個post放啲乜嘢

關鍵字,如果你有寫網誌,希望字上面亦都可以做唔同嘅功夫去改善你網頁係 搜尋引擎上嘅排名。最後,其實做網紅擺自己出嚟都會想更多人因為認識、了解而喜歡自己,所以 用心做其實先係最重要嘅。就算識得運用廣告,用社交媒體用到出神入化,但 係冇精彩嘅內容所有嘢都係徒勞。所以,各位KOL加油啊!

Recommendations for You

“Put user needs first and co-create with real world companies”
Read
A Startup or Corporate Job - Which is Better for My Career?
Read
我嘅工作會否被人工智能AI取代?
Read