Career Advice

軟件工程師喺初創企業係做乜㗎? Role of Software Engineers in Startups

3
min read
Tiffany

如果你本身喺軟件工程有相當經驗,本身做開大公司又想轉工,可以考慮吓初創企業嘅職位。係初創企業,公司規模相對細,好多嘢要「一腳踢」,你要預計你可能需要幫手做一啲唔係你個職位要做嘅嘢,但係喺初創企業,你嘅自由度同自主性相對比較高。


如果你初出茅廬,冇乜經驗,入初創企業做軟件工程師未必適合你,因為軟件工程師呢門專業好需要工作經驗,書本上嘅知識未必能夠完全幫你勝任你實際要做嘅工作。啱啱畢業,如果冇一個經驗比你多嘅工程師從旁指導,新鮮人可能會有好多好多好迷惘嘅時候。所以啱啱畢業嘅軟件工程學生,比較適合投身大企業學下野先。


軟件工程師係初創企業嘅職責


研發新產品

初創企業好多都依賴科技,更加有好大部份根本係賣緊軟件或應用程式。軟件工程師喺呢啲初創企業要做嘅嘢就係由零開始建立一個平台、一個網絡產品或者手機應用程式。


建立公司內部運作嘅系統

入到初入到初創企業,所有嘢都好新,內部運作系統一定係唔完善嘅。你需要幫公司建立新嘅內部運作系統。有時,你可能係第一位加入嗰間公司嘅軟件工程師,有一啲以往嘅做法未必係最好嘅,所以你更加要破舊立新,改變之前做得唔好嘅嘢。但係初創企業就係有呢個自主性,因為團隊比較新,大家都會好願意改善同埋尊重你嘅專業意見。


產品測試及排錯

係一間大公司,產品測試同排錯通常係分兩個部門做,但喺初創企業,可能係你一個人做晒,最多有三四個人同你組成一個小組,但係其實兩樣嘢都要負責。但係呢個就係好玩又刺激嘅地方,你可以全心全意咁不斷測試不斷改良你公司嘅新產品。


訓練員工

喺初創企業,所有嘢都不斷更新,分工亦都冇咁仔細,可能好多客戶服務嘅工作都係分比所有人做,所以每一個人都要熟悉公司嘅網絡產品,但係唔係每一個人都有同你一樣對資訊科技嘅認識,所以你亦都要具備良好嘅溝通能力,同啲完全唔識科技嘅人解釋你做緊嘅嘢。


研究及分析競爭對手嘅產品

初創企業嘅發展有時係基於競爭對手嘅一舉一動或者市場嘅改變,你或者需要不斷測試同研究市面上其他產品,以確保你公司嘅產品保持一定嘅競爭力同埋創新。


如果你作為一個軟件工程師,已經係職場打滾左一段時間,想要啲新挑戰同新嘗試,不妨試吓去初創企業。初創企業嘅員工通常都比較有熱誠、有衝勁,因為公司未成形,未必已經有好好嘅成績,所以都比較開放。如果你自己本身都有好多諗頭,加入初創企業係唔錯嘅選擇!


Recommendations for You

6 Dos & Don'ts to Answer “What Are You Most Proud Of?”
Read
Interview Posture That'll Get You Hired
Read
4 Answers to “Can You Tell Us Anything Else About Yourself” in a Job Interview
Read