Career Advice

Agile vs Waterfall: 一文比較敏捷同瀑 布式管理

3
min read
Tiffany Wong

Agile(敏捷式)同Waterfall(瀑布式)係指兩種產品研發嘅管理方式,視乎情 況,可以用於硬件或者軟件研發。簡單嚟講,瀑布式係指比較傳統嘅流水式作 業,大致包括計劃、製作、檢討、修正、發佈。喺瀑布式嘅管理底下,團隊一旦完成一個步驟,就會去下一個步驟,唔會再回頭做返之前嘅步驟。呢一種管
理方式適合已經有長遠並且完善規劃嘅項目,可以遇見嘅變數唔多,又或者當 團隊喺製作類似嘅產品已經有相當經驗,預視到嘅困難非常少嘅情況。相反,敏捷式管理就係由一個又一個短期目標組成。例如團隊以每兩星期為工 作單位(Sprint),就會定立每兩星期嘅工作目標。例如要建立一個電子商舖程 式,其中兩星期嘅目標可能係連接各種電子貨幣付款方法。喺嗰兩星期內,團 隊每日都會開會,報告各人嘅工作狀況,不斷重新整理方向。所以,喺敏捷式 管理之下,計劃、製作、檢討、修正呢四個步驟係會不斷重複。團隊內部同埋 團隊同客戶之間嘅溝通亦都非常密切。敏捷式同瀑布式嘅管理並冇話邊個好啲邊個差啲。唔同嘅項目,適用嘅管理方 式就唔同。以下我哋整理咗兩種管理方式嘅特點俾大家參考:

1)溝通與互動


敏捷式比較着重溝通,除咗團隊內部每日嘅會議之外,喺每一個工作階段完成 之後,都有機會需要邀請客戶嚟到驗收樣板,提出建議再改善。相反,瀑布式
就唔需要花咁大量嘅時間溝通,通常開頭有共識計劃係點就可以分工做好自己 負責嘅部份,再喺檢討階段再討論。

2)容納變數


由於敏捷式之下,團隊會不斷檢討同調整方向,所以比較適用於一啲較初期嘅 產品研發,例如由概念開始研發一件新產品。隨住科技日新月異,有啲尖端嘅
技術可能喺研發到發佈期間已經過時,而因為喺敏捷式之中係將產品分成唔同 嘅模組研發,所以即使某啲模組嘅技術已經過時,團隊只需要主力重新研發過
時嘅模組,仍然有其他本身研發好嘅模組係可以保留。瀑布式嘅作業可以容納嘅變數比較少,如果好似上述嘅情況,某啲應用喺產品 上嘅技術喺發佈之前已被發現過時,成個產品可能要重新再研發,甚至要放棄 發佈。

3)研發需時


由於敏捷式應用期間,團隊會不斷檢討並重整方向,最尾得出嘅產品可能會偏 離本身嘅概念。而且,不斷檢討並修正亦都會令到研發嘅過程更長。相反,瀑
布式嘅作業如果過程係順暢嘅話,需時比較短,產品由概念到研發到發佈會係一個比較短嘅時間完成。總括而言,敏捷式比較適合客戶願意好大程度投入、接受比較大變數同埋處於 開發及測試階段嘅產品發展,而瀑布式就比較適合容易定立全盤計劃、唔需要 客戶參與太多嘅產品發展。但係喺真實情況,未必每次都可以選定其中一個管 理模式,有時需要兩種模式交集使用,令過程更加順暢。

Recommendations for You

6 Effective Perks to Motivate Employees
Read
Top 5 Executive Assistant Job Interview Questions
Read
How to Answer Current Salary Question
Read