Career Advice

職場欺凌——一定要硬食?你要知嘅9件事

3
min read
Tiffany Wong

一個悲慘嘅事實係:原來職場欺凌喺香港非常普遍。一個係2013年由南華早報做嘅研究顯示,多過一半嘅受訪打工仔曾經遭受過辦公室欺凌,更加惡劣嘅係,多數嘅受害者表達佢哋只好默默地承受上司對佢哋嘅欺凌。

呢個議題好應該受到更多關注,因為辦公室欺凌可以帶嚟嘅影響十分之大,例如影響員工士氣、生產力、效率、公司口碑等等,而最壞嘅係影響員工嘅心理及精神健康。

研究顯示,無論工種、職級都有受訪者曾遭受職場欺凌。要避免我哋參與欺凌,首先我哋要認識乜嘢係欺凌:欺凌係有計劃地使用暴力、語言威嚇或排斥別人等攻擊行為嚟得到利益,例如金錢、物質、權力等。好多時候,欺凌者會透過孤立、嘲諷、恐嚇等等令目標感到失敗,損害佢地嘅精神健康。通常,喺職場嘅欺凌都以言語欺凌居多,比較含蓄、狡猾,唔係咁容易被留意到。好多時候喺被察覺之前已經造成好大嘅傷害。

以下係9樣關於喺香港嘅職場欺凌你要知嘅事:

1)不幸地,香港係未有法律制止職場欺凌,甚至任何種類嘅欺凌。呢個可能係其中一個導致職場欺凌咁普遍發生嘅原因之一。普全亞洲,職場欺凌都經常發生。有可能係亞洲國家同西方國家文化上嘅差異令到佢哋對欺凌嘅態度有所不同,所以當西方國家大部份都有懲治欺凌者嘅法律嘅時候,大部份亞洲國家仍然係冇嘅。

2)有啲喺西方文化之下被歸納為欺凌嘅行為,喺亞洲文化下會被認定成推動僱員提升表現嘅必要做法,例如喺其他員工面前對住某一員工大聲責罵、孤立員工、哄騙員工等等。

3)近年嘅#MeToo運動將職場欺凌呢個議題帶咗入本地新聞媒體,令幾個知名領導者被掀入有爭議性嘅新聞。

4)職場欺凌並唔係新鮮事。你或者會記得喺2000年,有一個家務助理姐姐被僱主拳打腳踢及出言侮辱。法庭最後認為僱主違反咗默認程度嘅照顧,判處賠償。喺2017年,香港郵政局因為冇好好處理同事被歧視嘅事件而被反歧視條例指控。其中一個患兔唇嘅員工被一個上司稱呼為「爛咀」。

5)正面嚟睇,關於職場欺凌嘅新聞喺香港曝光加強左大眾對呢個議題嘅關注,係一個好方向。

6)但係香港嘅企業仍然要採取積極嘅行動去創造無欺凌職場。例如制定有關職場欺凌嘅懲罰方案,教導員工乜嘢行為係被接納及不應被接納,以及制定完善嘅方案讓受到職場欺凌嘅員工可以毫無顧忌咁上報。呢啲措施亦都應該喺公司內聯網上面俾所有員工參考。

7)公司嘅氣氛好大程度受上司及高層影響,但係消除不合理嘅行為係每個人嘅責任。

8)良好嘅企業文化會為公司帶嚟好嘅影響,亦都可以提升企業形象。

9)雖然香港並未有法例懲治欺凌者,但係有好多其他法例,例如反歧視條例等等可以用來對付不合理嘅行為。但係對於被欺凌者來講,因為若果要提出訴訟,公司或者上級會比自己有更龐大嘅經濟能力負擔起官司費用,所以通常遇到欺凌嘅時候,員工嘅折衷解決方法都係辭職。

即場欺凌喺香港非常常見,一旦成為被欺凌者,即使你因為任何原因選擇不上報,或者對欺凌者提出指控,仍然要記住唔可以當冇事發生,因為被欺凌而喺自己身體積壓嘅情緒同精神上嘅負擔可以對自己造成好大嘅傷害。要搵方法俾自己抒發呢啲情感,例如靜思、做運動、傾訴等等。當然,解決職場欺凌同埋避免更多人成為受害者嘅方法係對欺凌者提出指控。你未必一定要對佢提出訴訟,有時可試下調解或者出律師信已經可以令欺凌者知難而退。

Recommendations for You

保持冷靜,頭腦清醒:6招平復面試前緊張情緒
Read
Will an Internship Really Lead to a ‘Real’ Job?
Read
The Dreaded Interview Flop
Read