Career Paths

碩士學位值得投資嗎?

3
min read
Tiffany Wong

讀一個碩士學位又要花錢、花時間、花心機,要犧牲好多嘢。究竟值唔值嘅呢?

呢個問題冇一個既定嘅答案,所有嘢根據你嘅年齡、事業階段、專業、個人興趣、市場需求、行業等等都有好大分別。講到最尾,所有嘢都係自己衡量,但係聽吓科技行業、商業世界嘅內行人意見,可能令你更加清楚自己想要乜嘢。

讀一個碩士學位嘅好處:

1)追尋自己嘅興趣,同時獲得更深入嘅知識。

對於你嘅專業知識,你會有更多更深入嘅了解,讓你有更加完善嘅準備入行。一個碩士學位係一個好好嘅機會,俾你學最多、最深入嘅知識,而呢啲知識對你日後工作非常有幫助。喺呢個不斷演變嘅科技世界裏面,不斷學習最新嘅潮流、知識係好重要嘅。呢樣尤其對做咗幾年嘢,在考慮緊讀唔讀碩士學位嘅人有關。

2)你會有更多實戰經驗

根據你嘅學科,一個碩士學位可以提供更多實戰經驗俾你,例如喺計算機科學嘅碩士課程入面,比起喺學士課程提供嘅理論性教學,多好多專題研習、實戰課題等等。

3)一路讀書其實可以一路賺錢

讀書期間,其實你可以以自由身身份為當地人提供服務去賺取生活費,例如做IT support或者幫人寫網頁。

4)擴展行内嘅人脈

碩士課程入面,你可以認識志同道合嘅同學仔、研究員、專業人士,話唔定佢哋會為你提供工作、商業、研究或合作機會。

5)有機會係你事業上嘅轉捩點

你可以探索新嘅可能性,或者可以剔除一直令你事業停滯不前嘅阻礙。

6)提高起薪點

研究顯示有碩士或以上學位嘅人比起只得學士學位嘅人工高27%。

7)投考管理層職位嘅時候會有顯著優勢

讀一個碩士學位係為自己裝備好特定嘅知識去準備迎接工作上嘅新挑戰,例如你可以更加有信心面對管理或領導嘅職位,當你遇到呢種工作機會嘅時候,亦都可以好好應對。

8)開創新嘅事業路

一個碩士學位好可能會為你介紹行內你本身冇探索過嘅領域,你可能會喺過程中發掘新嘅興趣,甚至全新嘅事業道路。

壞處:

1)金錢上唔值得

雖然你嘅起薪點會被提高,但喺你讀碩士嘅嗰一年,同你同年嘅同事如果做一年野,佢都好有可能得到加薪,最後你哋嘅人工都會睇齊。加上讀一個碩士學位嘅金錢可能喺你嘅職業生涯入面都未必會賺得返,所以唔好為咗錢去讀碩士學位。

2)工作經驗比學術條件有價值

資深管理層認為學術資歷喺一個人完全冇工作經驗嘅時候最被看重嘅嘢,但係如果基本學術資歷條件已經達到嘅話,工作經驗就比更高嘅學術資歷重要,因為僱主其實都係想要有工作能力嘅人,並非受過好高等教育嘅人。

3)唔去讀碩士學位亦都有機會學到相應嘅技能

透過工作或眾多網上嘅自學平台,你都可以學到好多有需要嘅技能。

4)冇工作機會保證

係真嘅,較高學歷會令你較易被取錄,有研究顯示有碩士學位嘅人比起得學士學位嘅人被公司取錄嘅機會高出5%。但係,喺計算機工程或者科技行業入面,所有嘢都係講你有冇技能,而唔係你有冇多人哋一個學位。

5)你係唔會立即飛上枝頭

唔係話讀完個碩士,你嘅事業就會立刻躍升幾個階級,例如做做吓IT會可以轉去做數據分析公司。你要做好心理準備,一路做一路學,慢慢去到你想要嘅職位。

考慮要唔要讀一個碩士課程嘅時候,問吓自己以下幾條問題:

1)點解你考慮讀一個碩士學位?

呢個唔應該係你延遲投身工作或者選擇職業嘅等候室,而係應該令你更加接近你本身有嘅目標。

2)如果你有一個高啲人工又刺激啲嘅職位,你仲會唔會想讀碩士學位呢?

要喺你做緊嘅行業入面成功,你需唔需要一個學士學位呢?喺工作上得到更多實戰經驗,會唔會更加幫到手呢?

3)讀一個碩士學位係你自己想要嘅嘢,定係其他人希望你得到嘅嘢?

起碼做決定之前,你要認清楚呢個決定係你根據自己對學科嘅熱情同興趣而選擇嘅。

4)呢個學位對你嘅職業同未來有乜嘢影響?

讀一個研究生課程要犧牲嘅嘢唔少,更加會帶俾你唔少嘅困難,例如學債、半工讀、零收入、個人壓力、工作量大等等。喺衡量呢啲難處之後,你仍然認為係值得克服嘅,而且讀呢個學位為你帶嚟嘅好處遠比困難多,咁你就算係說服到自己去讀喇。你亦要好清楚呢個學位可以令你更接近本身清晰嘅目標。

Recommendations for You

Bootcamps V Master’s, Which Is Better Value?
Read
How to create a Design Portfolio
Read
網紅/KOL一定要識嘅五大科技知識
Read