Career Paths

我嘅工作會否被人工智能AI取代?

3
min read
Tiffany Wong

科技日新月異,你有冇擔心過自己嘅工作被人工智能代替?由史提芬·史匹堡執導嘅美國電影《A.I.人工智慧能》(2001),就預想一個因氣候變化而接近末日嘅世界,人工智能發展到擁有情感、思考同學習能力。電影中一啲非常人性化嘅職業,甚至細路仔,都可以由人工智能去代替。當然此電影係一個極端嘅想像,但今日現時有乜嘢工作最容易被人工智能取代呢?

服務業

波鞋店、餐廳等嘅服務業牽涉好多貨物嘅傳遞。當店舖規模大嘅時候,公司採用人工智能的確可以減少人力,亦可以減少出錯嘅情況。最明顯嘅例子就係現時唔少餐廳都會採用電子落單同送餐系統。如果將人工智能嘅科技加入點餐系統,「侍應」可以與食客推介食物,簡單對話傾偈,仲可以比真人侍應捧起更多餐盤。


電話推銷

電話推銷係一種廣告工作。對於大公司嚟講要短時間内可以將產品推銷予廣大嘅群眾係重要嘅。所以點樣低成本接觸潛在客人喺電話推銷中至關重要。人工智能可以免卻打電話嘅繁瑣工序,又可以一式一樣地將推銷訊息播出,又可以減低人工成本,人工智能嘅Chatbot仲可以24小時全天候推銷。
機構嘅客戶服務員銀行、政府、醫院客戶服務每日面對大量嘅查詢。要逐一應對會對機構帶來莫大嘅負擔,客戶查詢亦要等候好長時間。好多時候客戶嘅查詢大部份都係簡單而千篇一律嘅基本資訊查詢,如果保留由真人去應對,在機構同客戶而言成本都會大大增加。現時有唔少公司正建立緊自己嘅人工智能客戶服務員,將客戶嘅常見問題,俾人工智能學習閱讀客戶以口語同人性化嘅提問,就可以成為前線嘅客戶服務員。不過,始終有少部分嘅查詢需要複雜嘅資訊同對話,都會係特殊嘅客戶要求,始終都有需要轉至真人服務員去處理。不過在此之前,會先由人工智能處理大部分嘅基本查詢。


翻譯

現時人工智能最廣泛使用相信唔可以忽視翻譯。由於人工智能需要從大量嘅資料中學習,從而學習人性化嘅語言。我哋日常喺網絡嘅語言使用,就係人工智能學習語言嘅重要資源。Google Translate就係一個明顯例子,我哋愈用得多網上嘅翻譯系統,系統嘅翻譯就會越來越準確。對於簡單嘅翻譯工作,如果文學性唔高,使用人工智能做翻譯對公司而言會更快捷。

人工智能興起,係危定係機?

上述一啲人工智能可以代替真人服務,但其實都唔一定會全盤能夠代替真人服務。例如一啲例外情況,人工智能無法從過往嘅大數據經驗學習的話,就需要真人處理了。所以,打工仔可以視人工智能為一個提升工作效率同省卻繁瑣工序嘅工具。保持人際溝通同靈活變通嘅敏感度,人工智能都難以完全代替真人。即使科技如何進步,如何使用科技仍然係科技無法代替嘅。打工仔可以保持積極態度,學習同認識人工智能科技,從而思考科技可以如何幫助自己嘅工作,就可以保持喺勞動市場中嘅價值。現時唔少有關科技嘅網站定期介紹最新嘅科技發展,不妨喺公餘時間睇一啲文章同影片,可當作寓工作於娛樂,亦為未來嘅人工智能勞動市場裝備自己。

Recommendations for You

Digital Marketing喺2021年成為熱門職業嘅5大原因 5 reasons why digital marketing is a hot career in 2021
Read
Our Commitment to Fostering Growth
Read
Life of an International Student in Hong Kong
Read