Career Paths

Digital Marketing同UX環環相扣?

3
min read
Tiffany Wong

捷豹路虎Jaguar Land Rover CEO Dr Ralf Speth 講過:「如果你覺得好嘅設計唔值咁多錢,你應該要睇吓差嘅設計會為你帶來幾大代價。」 (“If you think good design is expensive, you should look at the cost of bad design.”) 用戶體驗 (UX: User Experience) 其實係將科技 人性化。你同我都可想而知,唔好嘅UX設計會降低產品嘅易用性,例如唔知你會唔會 用過一啲銀行app,搵極都搵唔到你想要嘅服務到底可以㩒邊個掣做到。但係專注搞Digital Marketing嘅你又有冇諗過UX其實同數碼營銷都有住密不可分嘅關係?以下3大原因,令Digital Marketer絕對唔可以輕視UX!

1)提高產品質素


好多人話Marketing係可以令人將垃圾當係寶,但今時已經唔同往日,資訊比以 前流通好多,公司一旦出咗個唔好用嘅產品,大把用家、KOL可以上網寫衰佢
。相反,「口碑」嘅作用可能比以前更大。一個好用、受歡迎嘅產品隨時會令 人唔覺意cap圖擺上網,例如當PayMe興起嘅時候,朋友間俾錢會喺備注嗰度 寫啲千其百趣嘅嘢,唔少人cap圖擺上社交媒體,咁樣又變相幫PayMe宣傳喇。呢個時候,作為PayMe嘅Digital Marketing同事又可以借題發揮製作更多嘅內
容放上網。好彩嘅話,你嘅產品甚至會成為Memes,例如Tinder嘅掃左掃右就 成為咗好多迷因嘅笑點,又喺社交媒體爭取咗唔少曝光率,又時刻提醒我哋呢
個交友app嘅存在。

2)提升SEO


SEO (search engine optimisation)係指網站喺搜尋引擎上嘅表現。明白 搜尋引 擎係點樣運作 之後,各品牌都會出盡力喺搜尋引擎上爭取最高嘅排名—研究關
鍵字啦、製作唔同嘅網誌內容啦、加入好多連去其他網址嘅連結等等,但好容易 被忽略嘅一點係,網頁本身嘅用戶體驗。究竟公司係想用戶進入呢個網頁之後
,開展一個點樣嘅旅程呢?網頁嘅用戶體驗設計非常重要,因為佢會直接影響 用家喺你嘅網頁停留幾耐,而呢個時間嘅長短直接影響住你嘅網頁喺搜尋引擎
上嘅排名。要記住,網站唔係「用得到」就叫做設計好,喺設計上有好多專業 知識同心理學、統計學有關,例如人通常望一個版面首先望邊一度,之後加啲
乜嘢設計完數可以引佢去望另一度,全部喺設計學上面有探討。所以,各位營 銷部嘅同事絕對唔可以慳設計budget,搵專業嘅設計師整靚個網頁,呢一步一
定唔可以睇小。

3)整好手機版面

「人會無視無視人嘅設計。」(“People ignore design that ignores people.”)係 著名設計師Frank Chimero嘅名句。唔人性化嘅設計就會被人忽視。而家智能手
機越嚟越發達,唔係返工都唔會開着部電腦。但係其實仲有好多好多網站係冇 手機版面嘅。搞過網頁嘅人都知道,要整手機版面其實係一件好花功夫嘅事—
iPhone要整一個版本, Android要整一個版本,仲有唔同型號唔同尺寸都要調 整過。雖然係非常繁瑣,但呢個工序係值得花時間做嘅。品牌網頁好大程度上
決定咗客人對品牌嘅第一印象,如果佢哋一接觸你嘅網頁係完全迷失嘅,其實 佢哋已經唔會再俾第二次機會去睇你嘅網頁。到時你喺其他地方嘅廣告賣到天
花龍鳳,產品曉飛都好,都只會賺到潛在客戶嘅關注,就係唔會轉換成購買行 動。所以將網頁調整成符合手機螢幕呢一步絕對唔可以忽略。
講到呢度,相信大家都明白UX設計點樣影響產品嘅市場營銷同品牌喺市場嘅形 象同定位,各位Digital Marketers不妨都花少少心機研究吓UX,知道吓背後嘅
原理,就唔會喺啲細微細眼嗰度失手喇!

Recommendations for You

Digital Marketing同UX環環相扣?
Read
“Hands down the best UX course out there”
Read
Here to stay: sales trends accelerated through Covid-19
Read