Career Advice

產品經理要識嘅資訊科技知識 Tech skills for product managers

3
min read
Tiffany

Project Manager項目經理就聽得多喇,咁產品經理(Product Manager)又係乜呢?佢哋係一件新產品由研發到推出市場嘅負責人。產品經理負責提升產品嘅質素,研究產品喺市場上嘅定位,分析市場調查嘅數據,總之產品由設計到生產到推出市場都係由佢哋負責嘅。


項目經理同產品經理最大嘅分別就係:產品經理係決定產品要向咩方向發展,而項目經理就係確保產品真係向決定咗嘅方向發展,而且監察住所有做出嚟嘅嘢都符合本身原定嘅時間表同埋預算。


產品經理最重要嘅職責就係扶持一件新產品推出市場。以下嘅幾樣科技知識,產品經理一定要識!


數據採集及分析

喺設計一件新產品之前,最重要係要搵出新產品喺市場嘅價值。究竟市場係咪真係有呢個需求呢?做咗個產品出嚟有冇人買呢?市面上有冇其他類似嘅產品已經推出左呢?產品喺首階段推出後,或者要搵一堆用家試用,又要收集佢哋嘅用後感,究竟產品係咪切合佢哋需要呢?產品係咪有效咁樣做到佢應該有嘅功用呢?最後,當產品正式推出市面後,亦要做好多跟進嘅市場調查,不斷提升產品喺市面上嘅競爭力。雖然作為產品經理,你係帶領一組人幫你完成以上種種,但所有資料同數據分析嘅知識你都一定要熟悉,先至可以帶領一組人有效咁將產品推出市場。

而且,分析數據需要用上大量唔同嘅軟件,產品經理對數據分析軟件嘅認識亦都會直接影響佢工作嘅效率。


樣板製作

產品經理唔係工程師,唔需要識得點樣整一個電子產品出嚟,但產品經理作為一個工作小組嘅主腦,必須要認識樣板製作嘅原理同過程。產品經理必須要喺成個過程中以明確嘅方向帶領團隊,並且可以清楚咁指出每一個樣板有啲乜嘢要改善,所以就住唔同嘅產品,產品經理都需要有唔同嘅知識。


測試技巧

產品經理做嘅所有決定都需要有充分嘅理據支持,除咗以上嘅數據分析同採集嘅技巧得來嘅數據,產品經理更加要喺市場上用唔同嘅測試技巧試水溫,採集更加多嘅數據。


編程技巧

同製造產品嘅知識一樣,產品經理未必需要真係識得寫程式或者審視程式,但係產品經理一定要明白所有程式運作嘅原理。試諗吓,如果有軟件出錯,或者因為軟件嘅漏洞而令到產品有瑕疵,產品經理如果完全對編程知識一竅不通,就好難講出產品有啲咩問題,亦都好難同工程師溝通。所以產品經理亦都一定要有基本嘅編程知識。

因為軟件嘅漏洞而令到產品有瑕疵,產品經理如果完全對編程知識一竅不通,就好難講出產品有啲咩問題,亦都好難同工程師溝通。所以產品經理亦都一定要有基本嘅編程知識。


同所有公司入面嘅帶領者一樣,產品經理都係一個要同唔同隊員溝通嘅角色,所以產品經理必須要有高嘅理解能力同溝通能力,先可以將一間公司唔同嘅零件適當咁擺埋一齊,再帶領大家好好咁運作,將產品由想像入面帶到市場嘅尖端。


Recommendations for You

4 Tips to Look For and Find a Job in 2021
Read
8 Everyday Uses of Python
Read
#ResilientAsiaChallenge Session 1: Why do I feel this way? What is stress & what can I do about it?
Read